Laurik International

Home > Beskrywing van ArgentiniÃƒÆ’Ã†â€™Ãƒâ€šÃ‚Â« -

Ek gaan julle vertel van die plek Patagonië. 'n Stuk aarde aarde so uniek dat ons hom nou eers ontdek, weggesteek aan die suidpunt van n land met die naam Argentinië.

Meer inligting

Die begin (vervolg)

Goeie dag,

Is julle gereed vir die reis dieper in die hart in van Patagonië ?

AAAH, onse suidland, groter as die groot Karoo, maar nie so dor nie. Nee, as die sneeu op die Andes gebergtes smelt dan vloei die riviere en die spruite.

Meer inligting

Cristina Kirchner - Die nuwe President

Cristina Kirchner - Die nuwe President

3:46nm, Dinsdag, 11 Des, 2007

Goeie dag almal,

Ek wil vandag die nuwe Argentynse President aan julle bekend stel.

Meer inligting

Graanoeste in Argentinië: Skattings en werklikheid

Graanoeste in Argentinië: Skattings en werklikheid

2:49nm, Saterdag, 18 Aug, 2007

Goeie dag almal,

Ek hoop dat dit met julle goed gaan en dat julle 'n rustige naweek geniet na 'n week wat party dae nie so goed gelyk het as 'n mens na die internasionale en plaaslike markte gekyk het nie.

Hierdie week het die Argentynse Sekretariaat van Landbou en die Amerikaanse Landbou Departement syfers bekend gemaak oor die huidige oeste (2006/7) en oor die verwagte oeste vir die 2007/8 seisoen.

Meer inligting

Groei in Argentinië se internasionale handel

Groei in Argentinië se internasionale handel

2:17, Dinsdag, 14 Aug, 2007

Ek het pas 'n artikel gelees oor die groei wat Argentinië se internasionale handel oor die afgelope ses maande gehandhaaf het en dit was nogal aangenaam positief.

Volgens die nuutste syfers het Argentinië se motorindustrie 20% gegroei in vergelyking met verlede jaar en 7 van die 10 grootste invoerders is deel van hierdie industrie. Volgens die woordvoerder van die motorindustrie is die motorverkopes op die hoogste absolute historiese vlak.

Verder meld die artikel ook dat 61% van Argentinië se uitvoere (gedurende die eerste ses maande van 2007) landbouprodukte is in vergelyking met die 40% wat landbouprodukte in die res van Suid-Amerika se ekonomieë verteenwoordig.

Die artikel het in INFOBAE verskyn.

Hernieude belangstelling in eiendomme in Argentinië

11:31, Maandag, 13 Aug, 2007

Hierdie week het daar 'n interessante artikel in een van Argentinië se bekendste koerante verskyn oor die herniede aanvraag na landboueiendomme hier in Argentinië.

Volgens die artikel is hierdie stand van sake te danke aan die belangstelling in die produksie van biodiesel in Europa en die VSA waar hierdie energie as meer as net 'n gier gesien word.

Meer inligting

Bekendstelling

Bekendstelling

7:22nm, Sondag, 12 Aug, 2007

Die doel van hierdie blog is om u, die leser, 'n klein insig te gee van wat in een van die wêreld se belangrikste landboulande en streke gebeur met nuus en insette deur myself wat nou reeds agt jaar hier in Argentinië woon en die geleentheid het om van hier af kommentaar te lewer.

Met die wêreld wat so verbind is dat dinge wat aan die ander kant van die wêreld gebeur 'n invloed het op die plaasike samelewing kan dit net nuttig wees om te weet hoe dinge van hierdie kant van die wêreld gesien en verstaan word.

Ek probeer natuurlik nie u, die leser, wysmaak dat ek alles van alles af weet nie maar eerder dat my doel met hierdie blog is om inligting wat nie geredelik vir 'n Suid-Afrikaner beskikbaar is nie meer toeganglik te maak.

Met hierdie kort inleiding glo ek dat die bekendstelling afgehandel is maar moet asseblief nie huiwer om hier vrae en kommentare te los indien daar sake is waarvan u meer wil weet of ander opinies oor het nie.

Saludos

Die Argentyn

Kommentaar

	latino
Jy is heeltemal reg dat dit nie nodig is dat mense weer dieselfde foute hoef te maak nie. Goed om te weet dat daar iemand is na wie mens kan verwys. Hier by ons is `n instroming van Duitsers en dit is tragies om te sien hoe van hulle uitgebuit word deur hul eie mense. Sterkte daar.
Bygevoeg 2007/08/14 01:41:09 nm

	Die Argentyn
Beste latino, Dankie vir jou kommentaar. Soos ek in my eerste pos gesê het bly ek nou al agt jaar hier in Argentinië en het 'n konsultasiebesigheid waar ek Suid-Afrikaners, veral boere en ander besigheidsmense, help om hulle voete hier te vind want soos jy weet kan dit nogal ingewikkeld wees om eers aan die gang te kom. Ek voel net dat daar nie 'n rede is dat almal wat iets hier wil doen moet voor begin en al die selfde foute moet maak en probleme moet ervaar nie. Groete
Bygevoeg 2007/08/14 11:41:22

	Die Argentyn
Beste Victoria, Dankie vir jou kommentaar. Ek geniet dit baie hier in Argentinië en dit is werklik 'n interessante land vol uitdagings en potensiaal. Dit is regtig 'n goeie tyd om in een van die wêreld se belangrikste landboulande te wees. Lekker dag verder.
Bygevoeg 2007/08/14 11:35:19

Victoria VdM

Dankie vir jou blog, dit lyk asof dit interessant kan wees want soos jy sê, weet ons heeltemal te min van Argentinië.

Vertel ons of jy dit geniet daar in Argentinië?

Bygevoeg 2007/08/14 02:04:46

latino

Bly om te weet dat daar nog iemand in Suid-Amerika is. Sal baie graag jou standpunte en kommentaar wil hoor. Vertel asseblief meer oor jou en wat jy bedryf.
Hasta la proxima

Bygevoeg 2007/08/13 01:52:37

<| Primero

<< Anterior

Seksie 51 tot 57 as 57

LAURIK INTERNATIONAL

Email: laurik@laurik.com.ar

Skype: laurikinternational

MSN: laurik.com.ar@hotmail.com

laurik@ laurik.com.ar

Tel: +54 11 5941 9637

Cel: +549 11 6274 5888

Cel: +549 11 6858 1982